This is a poem I recieved from my physics teacher recently(we are still in touch, and now he teaches me life). I do know who is the poet, neither do I know the name of the poem. But I found it inspiring, one of those little pieces tells you don't be scared of the many waters of the roaring sea, keep trying till you reach there.

***

Lehro(n) se darkar naukaa paar nahi(n) hoti,
Koshish karne waalo(n) ki haar nahi(n) hoti

Nanhi chee(n)ti jab daanaa lekar chalti hai,
Chadhti deewaaro(n) par, sau baar fisalti hai.
Man ka vishwaas rago(n) mnei(n) saahas bharta hai,
Chadhkar girnaa, girkar chadhnaa na akharta hai.
Aakhir uski mehnat bekaar nahi(n) hoti,
Koshish karne waalo(n) ki haar nahi(n) hoti.

Dubkiyaa(n) sindhu mnei(n) gotakhor lagata hai,
Jaa jaa kar khali haath lautkar aata hai
Milte nahi(n) sahaj hi moti gehre paani mnei(n),
Badhtaa dugnaa utsaah isi hairani mnei(n).
Mutthi uski khaali har baar nahi(n) hoti,
Koshish karne waalo(n) ki haar nahi(n) hoti.

Asafaltaa ek chunauti hai, ise sweekaar karo,
Kyaa kami reh gayi, dekho aur sudhaar karo.

Jab tak naa safal ho, neend chayn ko tyaago tum,
Sangharsh kaa maidaan chhodkar mat bhaago tum.
Kuch kiye binaa hi jai jaikaar nahi(n) hoti,
Koshish karne waalo(n) ki haar nahi(n) hoti.

Cheers,

Ranjan